Producción escénica
laBuelga Escena
La Buelga Escena
Creación y desendolcu escénicu
La ufierta n’ociu y tiempu llibre de La Buelga Animación y Cultura ye de gran bayura en conteníos y formatos.
Toles actividaes del vagar tán orientades principalmente al entretenimientu y la creatividá, ensin olvidar l’espardimientu de la cultura asturiana en toles sos estayes, y adáptense a los públicos de cualquier edá.
Espectáculos
Amás, l’equipu de trabayu tien una amplia formación y ye conocedor del ámbitu escénicu asturianu, tanto de les sos peculiaridaes como del idioma, sofitu fundamental d’estos espeutáculos.
CULTURA TRADICIONAL
Talleres temáticos de cultura tradicional
Actividaes que tienen como oxetivu l’apurrir o afondar nel conocimientu de dellos aspeutos característicos de la cultura tradicional asturiana, al traviés d’una participación activa y lúdica.
Los participantes experimenten colos xuegos y deportes, les tradiciones, los oficios o la historia d’Asturies.
CREATIVIDÁ
Talleres temáticos creativos
Actividaes lúdiques que busquen el desendolcu de la creatividá de los participantes, mediante l’afondamientu en temátiques cotidianes como los xuegos de mesa, la lliteratura, la radio y el podcast
Grandes xuegos y yincanes
ASTURIANU Y CONCILIACIÓN
Campamentos n’asturianu
Campamentos de temátiques variaes pa escolinos, orientaos a un afondamientu nel idioma asturianu d’una manera fundamentalmente lúdica y que permiten la conciliación familiar vacacional.
laBuelga ye la única iniciativa qu’ufre campamentos monitorizaos dafechu n’asturianu.
ESPECIENCIA ESCÉNICA
Visites guiaes dramatizaes y especiencies inmersives
Sofitaes na estaya de creación escénica, laBuelga ufre visites guiaes dramatizaes y experiencies inmersives pa grupos de toles edaes.