Creación escénica
laBuelga Escena
ESTAYES
Producción y desendolcu escénicu
laBuelga Escena ye la estaya de creación y desendolcu de productos escénicos, y tien un nome específicu porque se desavera de los criterios específicos d’animación qu’engloben el restu de la ufierta de laBuelga Animación y Cultura.
LaBuelga Escena tien como finalidá l’ufrir al públicu de tolos públicos obres dramátiques orixinales vehiculaes n’idioma asturianu, qu’afonden na cultura y na sociedá d’Asturies, tanto dende una perspeutiva tradicional como d’otra más contemporania.
Espeutáculos
El nuestru equipu de trabayu tien una amplia formación y ye conocedor del ámbitu escénicu asturianu, tanto de les sos peculiaridaes como del idioma, sofitu fundamental d’estos espeutáculos.
Los cuentos d’un pelegrín que va de vuelta
«Los cuentos d’un pelegrín… que va de vuelta» constitúi una propuesta escénica de onde Sergio Buelga rescata los rellatos y lleendes populares surdíos a la solombra de la ruta xacobea asturiana. L’espectáculu, que xira en redol a les vivencies del Camín de Santiago, convida al públicu a treslladase nel tiempu gracies a les alcordances, peripecies y personaxes peculiares qu’un caminante va atopando a lo llargo del so viaxe de regresu.
Andrés Solar, espaciu
d’alcuentru
«Andrés Solar, espaciu d’alcuentru» ye un eventu y espectáulu lliterariu y teatral creáu pa recordar la figura y obra del escritor asturianu de Deva. Basáu nos testos del autor, el montaxe propón un repasu a l’Asturies actual al traviés d’una entrevista ficticia col propiu escritor
Alí Atar,
mensaxeru de los Reis
«Alí Atar, mensaxeru de los reis» ye un espectáculu infantil y de narración oral conceptualizáu pol creador xixonés Sergio Buelga p’averar la tradición navidiega asturiana a los más mozos. Basáu nos viaxes de los Reis Magos, el montaxe propón una risondera aventura onde’l carteru real interactúa col públicu.